பச்சைமயில் வாகனனே

பச்சை மயில் வாகனனே 

பச்சைமயில் வாகனனே சிவ 

    பாலசுப்ரமணியனே வா முருகா

பச்சை மயில் வாகனனே - சிவ

  பால சுப்பிரமணியனே வா - இங்கு 

இச்சை இல்லாம் உன்மேல் வைத்தேன் 

  எள்ளளவும் ஐயமில்லை -   (பச்சைமயில்)

கொஞ்சும் மொழியானாலும் - உன்னைக் 

  கொஞ்சிக் கொஞ்சிப் பாடிடுவேன் - இங்கு 

சர்ச்சை எல்லாம் மறைந்ததப்பா - எங்கும் 

  சாந்தம் நீறைந்தப்பா - (பச்சைமயில்)

வெள்ளமது பள்ளந்தனிலே பாயும் 

  தன்மை போல உள்ளந்தனிலே - நீ 

மெள்ள மெள்ள புகுந்து விட்டாய் - எந்தன் 

  கள்ளமெல்லாம் கரைந்ததப்பா - (பச்சைமயில்) 

நெஞ்சமதில் கோவில் அமைத்தேன் அங்கு

  நேர்மை என்னும் தீபம் வைத்தேன் - நீ 

செஞ்சிலம்பை கொஞ்சிடவே வா - முருகா 

  சேவற்கொடி மயில் வீரா - (பச்சைமயில்) 

ஆறுபடை வீடுடையவா எனக்கு 

  ஆறுதலைத் தருந் தேவா - நீ 

ஏறுமயில் ஏறிவருவாய் - முருகா 

  எங்கும் நிறைந்தவனே- (பச்சைமயில்) 

அலைகடல் ஓரத்திலே எங்கள் 

  அன்பான சண்முகனே - நீ 

அலையா மனந் தந்தாய் - உனக்கு 

  அனந்த கோடி நமஸ்காரம் - (பச்சைமயில்)

பச்சைமயில் வாகனனே சிவ     

     பாலசுப்பிரமணியனே வா - இங்கு

இச்சைஎல்லாம் உன்மேலே வைத்தேன்      

   எள்ளளவும் ஐயமில்லையே