திருவருட்பா - தெய்வமணிமாலை

தெய்வ மணிமாலை திருவருட்பா

 

ஒருமையுடன் நினது திருமலரடி நினைக்கின்ற  

  உத்தமர் தம் உறவு வேண்டும்

உள்ளொன்று வைத்துப் புறம்பொன்று பேசுவார்
  உறவு கலவாமை வேண்டும்

பெருமைபெறும் நினது புகழ் பேசவேண்டும் பொய்மை

  பேசா திருக்க வேண்டும்
பெருநெறி பிடித்தொழுக வேண்டும் மதமான பேய்

  பிடியா திருக்க வேண்டும்

 

மருவு பெண்ணாசையை மறக்கவே வேண்டும் உனை

  மறவா திருக்க வேண்டும்

மதி வேண்டும் நின்கருணை நிதி வேண்டும் நோயற்ற

  வாழ்வு நான் வாழ வேண்டும்

தருமமிகு சென்னையிற் கந்தகோட்டத்துள் வளர்

  தலமோங்கு கந்த வேளே!

தண்முகத் துய்யமணி உண்முகச் சைவமணி

  சண்முகத் தெய்வ மணியே!

                       ------- வள்ளலார் இராமலிங்க அடிகளார்