கற்பூர நாயகியே கனகவல்லி!

கற்பூர நாயகியே! கனகவல்லி!

காளி மகமாயி! கருமாரி அம்மா!

பொற்கோவில் கொண்ட சிவ காமியம்மா!

பூவிருந்த வள்ளி தெய்வ யானையம்மா!

விற்கால வேதவல்லி விசாலாட்சி!

விழிக்கோல மாமதுரை மீனாட்சி!

சொற்கோவில் நானமைத்தேன் இங்கு தாயே!

சுடராக வாழ்விப்பாய் என்னை நீயே!

                                 (கற்பூர நாயகியே...

புவன முழுதாளுகின்ற புவனேஸ்வரி!

புரமெரித்தோன் புறமிருக்கும் பரமேஸ்வரி!

நவநவமாய் வடிவாகும் நாகேஸ்வரி!

நம்பினவர் கைவிளக்கே சர்வேஸ்வரி!

கவலைகளைத் தீர்த்துவிடும் காளீஸ்வரி!

காரிருளின் தீச்சுடரே ஜோதீஸ்வரி!

உவமான பரம்பொருளே ஜகதீஸ்வரி!

உன்னடிமைச் சிறியேனை நீ ஆதரி!

                                (கற்பூர நாயகியே...

உன்னிடத்தில் சொல்லாமல் வேறு எந்த

உறைவிடத்தில் முறையிடுவேன் தாயே! எந்தன்

அன்னையவள் நீயிருக்க உலகில் மற்ற

அன்னியரைக் கெஞ்சிடுதல் முறையோ அம்மா!

கண்ணீரைத் துடைத்துவிட ஓடி வாம்மா!

காத்திருக்க வைத்திடுதல் சரியோ அம்மா!

சின்னவளின் குரல்கேட்டுன் முகம் திருப்பு!

சிரித்தபடி என்னைத் தினம் வழி அனுப்பு!

                                     (கற்பூர நாயகியே...

கண்ணிரண்டும் உன்னுருவே காண வேண்டும்!

காலிரண்டும் உன்னடியே நாட வேண்டும்!

பண்ணமைக்கும் நா உனையே பாட வேண்டும்!

பக்தியோடு கையுனையே கூடவேண்டும்!

எண்ணமெல்லாம் உன் நினைவே ஆக வேண்டும்!

இருப்பதெல்லாம் உன்னுடையதாக வேண்டும்!

மண்ணளக்கும் சமயபுர மாரியம்மா!

மகனுடைய குறைகளையும் தீருமம்மா!

                                    (கற்பூர நாயகியே...

நெற்றியினுள் குங்குமமே நிறைய வேண்டும்!

நெஞ்சினுலும் உன் திருநாமம் வழியவேண்டும்!

கற்றதெல்லாம் மேன் மேலும் பெருக வேண்டும்!

கவிதையிலே உன் நாமம் வாழ வேண்டும்!

சுற்றமெல்லாம் நீடுழி வாழ வேண்டும்!

ஜோதியிலே நீயிருந்து ஆள வேண்டும்!

மற்றதெல்லாம் நானுனக்குச் சொல்லலாமா!

மடிமீது பிள்ளை என்னைத் தள்ளலாமா!

                                    (கற்பூர நாயகியே...

அன்னைக்கு உபசாரம் செய்வதுண்டோ!

அருள் செய்ய இந்நேரம் ஆவதுண்டோ!

கண்ணுக்கு இமையின்றிக் காவலுண்டோ!

கன்றுக்கு பசுவின்றி சொந்தமுண்டோ!

முன்னைக்கும் பின்னைக்கும் பார்ப்பதுண்டோ!

முழுமைக்கும் நீ எந்தன் அன்னையன்றோ!

எண்ணெய்க்கும் விளக்குக்கும் பேதமுண்டோ!

என்றைக்கும் நானுந்தன் பிள்ளையன்றோ!

                                      (கற்பூர நாயகியே...

அன்புக்கே நானடிமை ஆகவேண்டும்!

அறிவுக்கே என் காது கேட்க வேண்டும்!

வம்புக்கே போகாமல் இருக்க வேண்டும்!

வஞ்சத்தை என் நெஞ்சம் அறுக்க வேண்டும்!

பண்புக்கே உயிர் வாழ ஆசை வேண்டும்!

பரிவுக்கே நானென்றும் பணிய வேண்டும்!

என்பக்கம் இவையெல்லாம் இருக்க வேண்டும்!

என்னோடு நீ என்றும் வாழ வேண்டும்!

                                     (கற்பூர நாயகியே...

கும்பிடவோ கையிரண்டும் போதவில்லை!

கூப்பிடவோ நாவொன்றால் முடியவில்லை!

நம்பிடவோ மெய்தன்னில் சக்தியில்லை!

நடந்திடவோ காலிரண்டால் ஆகவில்லை!

செம்பவள வாயழகி உன்னெழிலோ!

சின்ன இரு கண்களுக்குள் அடங்கவில்லை!

அம்பளவு விழியாலே உன்னை என்றும்

அடிபணியும் ஆசைக்கோர் அளவுமில்லை!

                                      (கற்பூர நாயகியே...

காற்றாகி கனவாகிக் கடலாகினாய்!

கயிறாகி உயிராகி உடலாகினாய்!

நேற்றாகி இன்றாகி நாளாகினாய்!

நிலமாகி பயிராகி உணவாகினாய்!

தோற்றாலும் ஜெயித்தாலும் வாழ்வாகினாய்!

தொழுதாலும் அழுதாலும் வடிவாகினாய்!

போற்றாத நாளில்லை தாயே உன்னை!

பொருளோடும் புகழோடும் வைப்பாய் என்னை!

                                     (கற்பூர நாயகியே...

 



சிவகாமி மகனிடம் சேதி சொல்லடி

ஆ.....ஆ......ஆ…ஆ….ஆ….ஆ….

அந்த சிவகாமி மகனிடம் சேதி சொல்லடி - என்னைச்
சேரும் நாள் பார்க்கச் சொல்லடி

                                                    (அந்த சிவகாமி மகனிடம்…….

வேறு எவரோடும் நான் பேச வார்த்தை ஏதடி - வேலன்
இல்லாமல் தோகை ஏதடி
வேறு எவரோடும் நான் பேச வார்த்தை ஏதடி - வேலன்
இல்லாமல் தோகை ஏதடி
                                                                 (அந்த சிவகாமி மகனிடம்...
கண்கள் சரவணன் சூடிடும் மாலை
கன்னங்கள் வேலவன் ஆடிடும் சோலை
பெண்ணென பூமியில் பிறந்த பின்னாலே
வேலை வணங்காமல் வேறென்ன வேலை

நெஞ்சே தெரியுமா அன்றொரு நாளிலே

நெஞ்சே தெரியுமா அன்றொரு நாளிலே
நிழலாடும் விழியோடும் ஆடினானே - அன்று
நிழலாடும் விழியோடும் ஆடினானே - என்றும்
கண்ணில் நின்றாடச் சொல்லடி

மலையின் சந்தனம் மார்பின் சொந்தம்
மங்கையின் இதயமோ காளையின் சொந்தம்

மலையின் சந்தனம் மார்பின் சொந்தம்
மங்கையின் இதயமோ காளையின் சொந்தம்

நிலையில் மாறினால் நினைவும் மாறுமோ
நெஞ்சம் நெருங்கினால் பேதங்கள் தோன்றுமோ

நிலையில் மாறினால் நினைவும் மாறுமோ
நெஞ்சம் நெருங்கினால் பேதங்கள் தோன்றுமோ

 

 

காலம் மாறினால் காதலும் மாறுமோ

காலம் மாறினால் காதலும் மாறுமோ
மாறாது மாறாது இறைவன் ஆணை - என்றும்
மாறாது மாறாது இறைவன் ஆணை

மாறாது மாறாது இறைவன் ஆணை - என்றும்
மாறாது மாறாது இறைவன் ஆணை

இந்த சிவகாமி மகனுடன் சேர்ந்து நில்லடி - இன்னும்
சேரும் நாள் பார்ப்பதென்னடி
வேறு எவரோடும் நான் பேச வார்த்தை ஏதடி - தோகை
இல்லாமல் வேலன் ஏதடி...

ஆ......ஆ......ஆஆஆஆ

அந்த சிவகாமி மகனிடம்...
அந்த சிவகாமி மகனிடம்...
அந்த சிவகாமி மகனிடம்...
சேதி சொல்லடி... என்னைச்
சேரும் நாள் பார்க்கச் சொல்லடி....



புரட்டாசிச்சனி - சனீஸ்வரர் விரதம்

சைவசமயத்தில் பிறந்த அனைவருக்கும் சோதிடம் எனும் கலை இன்றியமையாத நம்பிக்கை வழிகாட்டியாக கணிக்கப்படுகிறது. அதில் நவக்கிரகங்களின் பலனை வைத்தே கணிப்பீடு செய்கிறார்கள். ஒன்பது கிரகங்களில் மூன்று கிரகங்கள் தீய பலன்கள் அளிப்பதில் வலிமை வாய்ந்தவை. அவை ராகு,கேது,சனி ஆகும். இவைகளில் சனி என்ற சனீஸ்வர பகவான்தான் முதன்மையானது. சனீஸ்வர பகவானின் பிடியிலிருந்து யாரும் தப்ப முடியாது என்பர்.  அதிலும் சனீஸ்வரன் மீதே அதிக வழிபாடு உண்டு. ஏழரைச்சனி, அட்டமத்துசனி, ஜென்மத்துசனி, சனி பார்வை என்பன உள்ள காலங்களில் ஆலயம் சென்று சனிஸ்வரனுக்கு விசேட வழிபாடு செய்வார்கள்.

பன்னிரு மாதங்களில் கன்னி மாதமான புரட்டாதி மாதமே சனிஸ்வர வழிபாடு ஆர்வமாக நடைபெறும்.ஒவ்வொரு சனிக்கிழமையும் நல்லெண்ணெய் வைத்து அரப்பு,எலுமிச்சம்பழம் வைத்து நீராடி கோவிலுக்கு சென்று சனிஸ்வரன் சந்நிதியில் எள் எண்ணெய் விளக்கு ஏற்றிச் வழிபாடு செய்வார்கள். கறுப்பு நிறத்துணி,நீலநிறப் பூக்களால் அருச்சனை செய்து சனிதோஷம் நீக்கி நல்வாழ்வு தரும்படி வேண்டுவார்கள். காகத்தை வரவழைத்து அதற்கு உணவு வழங்கி,காகம் உணவு உண்டபின்னே உணவு உண்டு விரதத்தை பூர்த்தி செய்வார்கள். புரட்டாதி மாதம் வருகின்ற எல்லா சனிக்கிழமையும் விரதம் சனீஸ்வரனுக்காக மேற்கொள்வார்கள்.

 

சனி மூல மந்திரம்:

"ஓம் ஐம் கிலீம்  ஸ்ரீம் சனீஸ்வராய நமஹ",  

 

சனி காயத்ரி மந்திரம்:

காகத்வஜாய வித்மஹே கட்க ஹஸ்தாய தீமஹி|

தந்நோ மந்த: ப்ரசோதயாத்|| 

 

 சனி ஸ்தோத்திரம்:

நீலாஞ்ஜன ஸமாபாஸம் 

ரவிபுத்ரம் யமாக்ரஜம்! 

ச்சாயா மார்த்தாண்ட ஸம்பூதம் 

தம் நமாமி சனைச்சரம்!!

  தமிழில்: 

சங்கடந் தீர்க்கும் சனி பகவானே

மங்களம் பொங்க மனம் வைத்தருள்வாய்!

சச்சரவின்றிச் சாகா நெறியில்

இச்சகம் வாழ இன்னருள் தா தா!!

 



முருகா! முருகா! முருகா!

பல்லவி             ராகம்-நாட்டைக்குறிஞ்சி  தாளம்-ஆதி

முருகா!- முருகா!- முருகா!

சரணங்கள்

வருவாய் மயில்மீ தினிலே
வடிவே லுடனே வருவாய்!
தருவாய் நலமும் தகவும் புகழும்
தவமும் திறமும் தனமும் கனமும் (முருகா)

அடியார் பலரிங் குளரே
அவரை விடுவித் தருள்வாய்!
முடியா மறையின் முடிவே!  அசுரர்
முடிவே கருதும் வடிவே லவனே! (முருகா)

சுருதிப் பொருளே, வருக!
துணிவே,கனலே, வருக!
கருதிக் கருதிக் கவலைப் படுவார்
கவலைக் கடலைக் கடியும் வடிவேல். (முருகா)

அமரா வதிவாழ் வுறவே
அருள்வாய்! சரணம், சரணம்
குமரா, பிணியா வையுமே சிதறக்
குமுறும் சுடர்வே லவனே, சரணம்! (முருகா)

அறிவா கியகோ யிலிலே
அருளா கியதாய் மடிமேல்
பொறிவே லுடனே வளர்வாய்! அடியார்
புதுவாழ் வுறவே புவிமீ தருள்வாய் (முருகா)

குருவே! பரமன் மகனே!
குகையில் வளருங் கனலே!
தருவாய் தொழிலும் பயனும் அமரர்
சமரா திபனே! சரணம்!சரணம்! (முருகா)